Atonu o le faia o mask poo talifofoga ma le faamamao ese ma tagata o ni taga masani ia o le koviti i aso ua tuanai peitai ua faailoa i lipoti i le asō o loo iai pea lava le faama’i i laufanua o Ausetalia.

Ua faamauina i le vaiaso nei le siitia pea o tagata aafia i le koviti ma ua afua ai se lapataiga i le aso mai le Soifua maloloina a Niu Sa Uelese. 

Fai mai le lapataiga ua vaaia le siitia o tagata ua aafia i le koviti i le komiuniti ma ina ia tali atu i le tuuitiitia o tagata e aafia ua fautuaina ai tagata e aafia i le flu ia nonofo i o latou fale ina ia fesoasoani ai i le taofia o le pepesi tele o le flu.

I Niu Sa Uelese lava ia e 273 cases o le koviti ua faamauina i le piliota i le vaiaso e faagata i le aso 24 o Oketopa.

I lea lava foi piliota e na o le toalua tagata na maliliu e iai sootaga i le Koviti-19.