Ua fasiotia e le militeli a Isaraelu tagata Palesitina, a itiiti mai pe to’a 10 e aofia ai ma se tamaitiiti i le faaitu o West Bank a o folafola ai e le Palemia le amataga o se operation tele tau militeli i le aai o Jenin.
O le faamatalaga mai le Palemia o Isaraelu, Benjamin Netanyahu ua ta’ua ai o le operation lea e faaigoa o le Iron Wall ma ua faia ina ia aveesea uma ai faiga faatupu faalavelave i le aai lea o Jenin.
I le tali mai i le gaioiga lea a Isaraelu ua valaau ai le Hamas i tagata uma i le West Bank ma ona talavou ina ia tali ane i le osofa’iga lea a Isaraelu.
Fai mai le ofisa o Malo Aufaatasi i Ramallah ua faate’ia i latou i nei osofa’iga fou a Isaraelu i le West Bank ma ua faailoa e sui mai lea ofisa o le nonofo o tagata Isaraelu i West Bank e le solitulafono i lalo o tulafono faavaomalo ma le faamasinoga a Malo Aufaatasi ma o le iai la o Isaraelu i le West Bank ma le itu i Sasae o Ierusalema e solitulafono.
O loo tulimata’ia pea e le autusitala le isi laasaga o le a iai le mataupu lea ae pe faapefea le maliega ua mae’a sainia i Gaza.
Puna o Faamatalaga: https://edition.cnn.com/2025/01/21/middleeast/israel-west-bank-operation-intl/index.html
