O le aukilikiti a Samoa i le itupa o tamaitai e i lalo o le ta’i 19 tausaga le matutua, ua faailoa e le latou Kapeteni o Avetia Fetu i se faatalanoaga i le RNZ, ua fiafia lava i le avanoa ua maua e lana ‘au mo le ulua’i taimi e auai ai i le taamilosaga a le ICC Under 19 Twenty 20 World Cup e faia i Meleisia.
O lana ‘au na mālō mai le taamilosaga i East Asia i le tausaga talu ai ma agavaa ai e tausinio i le Ipu o le Lalolagi.
O ‘au e 16 ua agavaa o le a vaevae i vaega o le atunuu mo taaloga i pulu poo pool games lea e amata i le aso 18 o le masina nei.
O le ‘au a Samoa o loo i le Group C faatasi ai ma Niu Sila, Nigeria ma Aferika i Saute.
O le ulua’i taaloga a Samoa e fetaui ai ma Nigeriai Sarawak, taaalo ma Aferika i Saute i le aso 20 ma Niu Sila i le aso 22 o le masina nei lava.
Puna o Faamatalaga: https://www.rnz.co.nz/international/pacific-news/539114/samoan-women-s-cricket-team-looking-forward-to-world-cup-debut
