O le pepesi o le misela i Samoa i le 2019, o se mataupu lea ua alia’e i le iloiloina o le mataupu e faatatau ia Robert F Kennedy Jr i le senate i Amerika.

Ua lipotia e le RNZ o Kennedy lea ua filifilia e Trump e avea ma faauluuluga o le Matagaluega o le soifua mālōlōina ma auaunaga tau le tagata.

Ua tuua’ia i lona faalauiloaina o le aua le talitonu i tuipuipui a o iai i Samoa i le 2019, lea na maliliu ai le to’a 83 e aofia ai ma tamaiti e pei ona ta’ua i le leitio faavaomalo a Niu Sila.

Na faamatala e Kennedy i le iloiloga lea ma lipotia i le RNZ o lana malaga i Samoa e leai sona faiā i tuipuipui ae sa malaga mo le faataunuuina o galuega i faamaumauga poo records tau le soifua mālōlōina.

Na ia faailoa foi e taunuu atu i Samoa o loo maualalo lava le aofa’i o tagata ua fai tuipuipui ma e le’i alu foi e faatino lea tulaga.

Ua faailoa se finagalo o se tasi o tagata Niu Sila e galue ai i le auaunaga lea e ono iai ni tagata i Samoa na mafua ona lē faia tuipuipui o le misela ona o aafiaga mai ia Kennedy.

Toe saunoa mulimuli Kennedy i le lipoti lea afai e avea ia ma faauluuluga o le soifua mālōlōina o le a lē aiā lava i le aiātatau a le tagata e fai ai lana ia faai’uga.

Puna o Faamatalaga: https://www.rnz.co.nz/news/world/540351/questions-about-deadly-samoan-measles-outbreak-raised-as-kennedy-faces-us-senate