E oo mai i le taimi nei o loo faia suesuega a leoleo i le gataifale o Bundaberg tusa ma le 400 kilomita mai Brisbane, lea na maua ai ni afifī masalomia o afifi na maua ina ua mae’a tulaga louloua o le tau i lea faaitu o Ausetalia.
Na logoina leoleo i le mataupu e nisi o le atunuu na o latou mauaina se afifi i le matafaga i le pitonuu lea i le taeao ananafi.
Na amata ai loa le sailiga i faaitu e pei o Burnett Heads, Mon Repos ma Bargara ma maua atu ai ma isi foi afifī faapea.
E lē o mailoa poo fea e aumai ai ia afifi. Tolu masina talu ai sa maua ai se vaegatele o le fualaau faasaina o le cocaine ina ua maua le 2.34 tane o le fualaau faasaina aveese mai e se vaa mai Hervey Bay.
Fai mai o lea vaa sa fetauaina le agai sao i Bundaberg.O loo faatalia seisi lipoti lata mai o lea suesuega poo a ia afifi pei ona taua.
Puna o Faamatalaga: https://www.abc.net.au/news/2025-03-12/containers-suspicious-substances-wash-up-bundaberg-beach/105040780
