O se tamaitai lea ua pu’eina i le faalavelave ua ta’ua ai le tatui o se avetaxi tulou i Kalaiesetete i le po anapo.
O loo ta’ua i le RNZ o le avetaxi na alu i se fale’aiga i Memorial Ave poo le ‘afa o le 10 i le po anapo e sa’ili ai se fesoasoani ina ua faamanu’alia, fai mai e fai si tugā o manu’aga ma ave ai loa i le falema’i lea o loo iai pea i le taimi nei i se tulaga tigaina.
Ua ta’ua o ni nai minute mulimuli ane na pu’e ai e leoleo se tamaitai e 46 tausaga le matua mai se faletalimalo e lata ane i le nofoaga na aafia ai le avetaxi.
Ua molia nei lea tamaitai i le faaoolima ma e tula’i i le faamasinoga i le asō.
O le faamatalaga mai le satini sinia o Colin Baillie ua ta’ua ai e leai se isi tagata o toe sa’ilia i lenei faalavelave ma e leai foi se lamatiaga o iai i tagata lautele.
E lē o manino pe aisea ua faaoolima ai lea tamaitai i le avetaxi.
Puna o Faamatalaga: https://www.rnz.co.nz/news/national/530447/woman-arrested-after-christchurch-taxi-driver-stabbed-several-times
