O se alii e 23 tausaga ua pu’eina e le ausuesue a leoleo ma molia i le faalavelave ua feta’ua’ina ai lona faaoolima i se avetaavale uber ma gaoia lana taavale i le itu i Matu i Sisifo o Sini.
Fai mai na osofai e leoleo le fale o le tagata lea i Winston Hills i le aso ananafi.
Faailoa e leoleo sa maua i le fale lea le telefoni feaveai ma lavalava na laeiina e le alii lea i le taimi o le faalavelave e pei ona ta’ua.
O faamatalaga mai leoleo ua ta’ua ai o le vaveao na agai ane ai si ave uber lea e 49 tausaga e tali le valaau mo se taavale ma o le tu o le taavale i se isi vaega o le alatele na faaoolima ai loa le alii lea i le ave uber.
Na tamo’e ese le ave uber mai le taavale ae mulimuli ane valaau leoleo ma le fesoasoani faavavave ma ua faia ai nei ma moliaga ina ua maua lea alii.
Puna o Faamatalaga: https://www.9news.com.au/national/ride-share-driver-car-stolen-winston-hills-sydney/ce33ecb9-c5ae-41c6-ac96-8b35c8c2fef0
