O le taeao nei lea ua sau ai i tua le lipoti, ua maua ni tino maliliu e iai le talitonuga o tino nei o nai alii faifaiva e toatolu ia sa tau sailia amata mai le Aso Gafua.
E po ane ananafi e lei maua lava nei alii faifaiva i Gisborne ma o le tala mai le Rescue Coordination Centre anapo, o le a toe amata sailiga mo nei alii ae e iai tagata e toalua na vaaia i le penisula i Mahia, peitai e lei maua ai ananafi ona o le tulaga loulouā o le tau sa faigata ai mo le vaega laveai sa galulue.
O loo faagasolo pea suesuega a leoleo ina ia faamautinoa lelei faasinomaga o nei alii.
O le vaa fagota sa su’e, o se tasi o vaa mai vaa e tolu na o mo fagotaga i le Aso Gafua ma o lea na foi ane na o le lua i le afiafi o le Aso Gafua ae lei toe foi ane le vaa lona tolu, ma amata ai loa sailiga a le tele o faalapotopotoga e aofia ai le ami ma leoleo.
E momoli ai foi faamaisega i nai aiga faanoanoa o nei alii faifaiva.
