I se isi foi faalavelave mai Sini lava ua faaauau i le asō su’esu’ega a leoleo i le faalavelave na maua atu ai se tamaitai ua maliu i se faletalimalo i Sini.
Ua lipotia foi i le 9News o lea tamaitai na maua atu ua maliu i se potu o le faletalimalo o le Pullman i Penrith i le faai’uga o le vaiaso.
Fai mai na maua atu ai ma se alii pe ā ma le 50 tausaga o loo matapogia i autafa ane ae iai manu’aga i ona lima.
Na togafitia e paramedics ma faavave atu ai loa i le falema’i e tigaina manu’aga.
Fai mai o se tagata faigaluega a le faletalimalo na mauaina i la’ua ia ina ua faia lana siaki i malo ua tuai ona check out mai le faletalimalo.
O loo faatalia se faamaoniga o le tamaitai ua maliu ma oloo faatalia se isi lipoti mai le ‘ausu’esu’e.
Fai mai leoleo e masani i la’ua ia ma o loo i le falema’i le alii mo togafitiga i lalo o le vaavaaiga a leoleo.
Puna o Faamatalaga: https://www.9news.com.au/national/penrith-sydney-hotel-woman-dead-man-under-police-guard-in-hospital/3c3f2b2d-6a01-4d3b-9847-ccd6b0172fa2
