E toalua fanau na maua na o i laua i luga o le auala ma o loo sue meaai i le lapisi.
O se tala faamomoiloto e pei ona maua ai e nisi fanau e toalua nei i le vaiaso talu ai i Kaitaia.
I lipoti e faapea pe a ma le lima tausaga le matua o le teineitiiti ma lona tuagane pe a ma le 2 tausaga.
Na faasoa ai le tina na ia mauaina i luga o le Facebook, ma na maofa i le toatele na alolofa ma o Iea foi e iai nisi na molimau o fanau lava foi nei na fesoasoani iai ma logo leoleo peitai e leai se mea o faia iai.
Ae mai le minisita mo fanau, Kelvin Davis e le fou lea faafitauli o fanau e feoai na o latou i auala o Kaitaia.
I le talanoa ai i le ola mativa o fanau i totonu o Niu Sila, e tusa ma se tasi o lipoti lata mai na ta’ua mai ai e tusa ma le 130,000 fanau i totonu o Niu Sila o loo ola i lea olaga.
Ae mai le lipoti a le Child Poverty i Niu Sila na sau i tua i le vaiaso talu ai, o loo maualuga ai lava le pasene o fanau Pasefika lea e 28% sosoo atu ai ma fanau Maori e 23%.
