E le I taofiofia fesili tuusasao a le Auckland Council ma le pule sili o lana uafu I Aukilani faatatau I le tuai ona kilia o vaa lauoloa

O le uafu I Aukilani e sau I lalo o pulega a le council, ma o le aso ananafi lea na faia ai se fonotaga ma tuufesili ai e le council le faatuai ona agai mai I totonu o le uafu I Aukilani o vaa lauoloa o loo faaupeupea I le Hauraki Gulf e faatali ai le taimi e mafai ona agai mai ai I totonu o le uafi

Tuufaatasia tala o le taeao toe 5 vaa lauoloa mai le 11 sa iai I le faaiuga o le vaiaso I Hauraki Gulf, ma o nei vaa e oo atu I le 8 aso e faatalitali ai mo se avanoa e agai mai ai e taula ma kilia I le uafu I Aukilani

Fesiligia e le pulenuu Phil Goff le pule sili, Tony Gibson, pe e na o le koviti lea ua aafia ai galuega masani a le uafu I Aukilani pe a faatusa I le tausaga talu ai o le a sona eseesega

Tali le pule sili, ua pau le fuainumera o containers e kilia I le aso faatusa I le tausaga talu ai, peitai e ui e laititi le fuainumera o vaa lauoloa e kilia ae ona e tetele uma ma ua avea ma tulaga ua aafia ai ma le aufaigaluega

Ese mai le faatuai ona kilia o vaa lauoloa a le uafu I Aukilani, na tautino foi le pule sili o loo iai itu ua faaletonu ai le uafu I le tausisiga o le saogalemu lea ua aafia ai soifua o nisi I tausaga e le I mamao atu.

o le vaiaso nei lea ua faaopoopo ai isi tagta faigaluega o le uafu I Aukilani e fesoasoani I le tau kiliaina o vaa lauoloa.