Faitau selau I latou na tuua Niu Sila mo tafaoga e ui I le fautuaga e aua le feoai

O le aso 20 o Mati o le tausaga talu ai na amata fautuaina ai I luga o aupega tafaiilagi o loo sau ai fautuaga a le malo e aua le feoai, peitai I faamaumauga e silia ma le 400 I latou ua maea faia a latou malaga toe foi mai I totonu o le tausaga

I lona aotelega mai le vaega o faamaumauga, e tusa ma le 10,000 na tuua le atunuu ma toe foi mai, 44% na asia aiga ma uo e tusa ma faamatalaga na faatumu I luga o pepa faatumu ae e le I tuua le malaevaalele, 23% na malaga mo galuega, ma le 3% na malaga mo tafaoga

O le tolu pasene lea e tusa ma le silia ma le 400 tagata na faamauina I le aso 31 o Ianuari o le tausaga nei, ma o le toatele o I latou na faimalaga I Saina, Ausetalia, Atu Kuki ma Amerika

I totonu lava o le masina o Tesema ma Ianuari e tusa ma le 75 le au tafafao na faimalaga I Ausetalia

Saunoa ai ma le minisita o le Koviti, Chris Hipkins, o nofoaga faanofoesea e le I faia mo I latou nei e feoai mo tafaoga, ma e faigata tele ona iloa le toatele o I latou o loo faia

Faailoa ai e le minisita ua vaavaai nei le malo e toe iloilo le system e taofia ai, aua o tupe a tagata totogi lafoga lea o loo faaaluina e faalava ai le totogiina o nofoaga o loo omai Ie au tafafao faanofoesea ai