Ua faaulu e le faigamalo a Ausetalia se pili i le Palemene e tuuina ai le malosi’aga i ofisa tau femalagaa’iga, immigration authorities e sailia ai ma aveese telefoni feavea’i mai ia i latou e malaga mai i le atunuu ma taofia, pe afai o le faaaogāina o ia telefoni e afua ai ni lamatiaga i le saogalemu ma le itu tau puipuiga.

Faailoa e le ABC o le tali lea a le malo i se mataupu ua ta’ua ua faatupula’ia pea le faatino ai o ni soligatulafono i le faaaogāina o masini alu i le eletise i nofoaga taofia poo immigration detention centres.

O le vaiaso fou ua fuafua e faatalanoa ai le pili lea i le Palemene ae ua faailoa foi e nisi o loia i mataupu tau femalagaa’iga o le faia o ia suiga o le a iai ni aafiaga ogaoga i aiātatau a tagata o loo taofia.

Puna o Faamatalaga: https://www.abc.net.au/news/2024-11-22/mobile-phones-could-be-confiscated-from-immigration-detainees/104633000