O le tele o nofoaga o loo fausia ai galuega pei o fale ma ala tetele na taofia ai galuega i le taeao analeila ae agai ane le faitau afe o le aufaigaluega e faatino le latou solo tetee i le atunuu atoa.
E talitonuina o le aufaigaluega lea, construction sa o latou tetee i le faaiuga a le faigamalo a le Feterale poo le faigamalo o iai nei. Lea na o latou faia le faaiuga e faamuta le vaega lea o le CFMEU. O le 11 i le taeao na amata ai le solo tetee i Sini, Melepone, Brisbane, Adelaide, Perth ma Cairns. O i latou sa i Sini sa savavali i le fale o le palemene, o Melepone na agai i fafo ane o le Trades Hall ma savalia ai le Fair Work commission.
E le o faailoa maia e le faigamalo a Vitoria poo a ni aafiaga o ia solo tetee i a latou poloketi tetele e lei maea.Fai mai le minisita o auaunaga mo femalagaaiga lautele Gabrielle Williams, e iai le aiā tatau a tagata uma e tetee ai ae e tatau ona faatino i se auala e le aafia ai se soifua o se isi tagata. O loo mataitu e leoleo lenei tetee o loo faia i vaega uma o Ausetalia.
Puna o Faamatalaga: https://www.9news.com.au/national/cfmeu-protests-tradies-walk-off-the-job-across-sydney-melbourne-brisbane/03a55f8b-e96e-47b5-99b7-a845b62cbcf5
