I totonu o le na o le 9 masina ua faamauina ua silia ma le $42 miliona lea ua faaopoopo ai aitalafu, mafua mai i tupe a tamaiti poo fanau iti na ova totogi mai e le Inland Revenue.
Tupe nei ua ta’ua o Working for Families lea o loo sau i faamaumauga a le Inland Revenue e uma ane Me o le tausaga lenei ua $280.025 miliona talā le aitalafu.
O le masina o Aukuso o le tausaga talu ai na saofa’i i le $238 miliona, ma o se siitaga telē pe a faatusa ia Iulai o le 2020 lea sa na o le $162 miliona talā, tusa lea o aitalafu a le 44,000 o tagata.
I faatusatusaga ua iloa ai o lea ua faaluaina le toatele o tagata nofo aitalafu i le Working for Families talu mai le tausaga 2018.
O aitalafu nei e mafua ona ua sili atu tupe maua na loo tupe o loo faamau e le Inland Revenue lea e fua iai tupe a tamaiti.
Ua sau ai ma le lapataiga e ono siisii i luga aitalafu nei ao faatupula’ia ai le numera o tagata e leai ni galuega, ma e mafua lea i le fesuisuia’i o le In work tax credit lea o loo afifi mai e le Working for Families.
Ao iai la le talosaga ua tatau ona toe iloilo le faiga o loo faatulaga ai tupe nei a tamaiti, ua toe molimau nisi o loo gafatia o le mafuaaga lea o le faatali seia uma le tausaga faaletupe faatoa maua.
Puna o Faamatalaga: http://Warning as Working For Families debt increases by more than $42m | RNZ News
