Fai mai le faamanatu a leoleo i le ausolitulafono e mafai lava ona e sola ae e le mafai ona e lafi ai pea, o le faamanatu lea ua toe faaolaola mai i lenei vaiaso ina ua faatino osofaiga a leoleo i Niu Sa Uelese ma ua maua ai le toatele o le au le usitai i le tulafono.
O le osofaiga a leoleo i le Empire Bay i le Central Coast na pueina ai se tasi alii e suafa ia David Crosio Mochalski 27 tausaga lea e feta’ua’ina o ia lea o loo faaautu iai le sapalaia o fualaau faasāina.
Na faailoa e leoleo e fā fale na osofaia ma maua iai fana, fualaau faasāina, tupe ma taavale.
Fai mai leoleo ua i le va o le 60 -70 osofaiga ua faia ma o loo faaauau pea.
