Ua faaauau pea ona siitia le tau o le penisini i Ausetalia ma ua ta’ua e i latou o loo nafa ma le matafaioi lea o le vaaia o le tau o le penisini, e le o iai se taimi lata mai e pa’ū ai le tau sei vagana le taimi o le weekend o le ANZAC.
O Ianuari lea na toe amata sii ai le tau o le penisini ma ua faailoa e le NRMA e ui e le o matuai maualuga tele le siitaga lea ia Fepuali peitai o loo maualuga pea mo le tele o aiga.
O Sini lava lea o loo aupito taugata ai i totonu o Ausetalia atoa.
Ua faailoa foi e le NRMA o le kiso foi ia o loo maualuga pea foi lona tau ma e silia ma le 40 pasene o le aofai o le au fai taavale e umia taavale kiso.
O le fautuaga a le NRMA, ia suesue pea faaitu o loo taugofie ai penisini e ala i le faaaogaina o le NRMA app mo se faamama avega aemaise feoaiga i le long weekend.
