O le totogi o le $6 e paka ai le taavale i le aso atoa, e ono avea ma mafuaaga o le lē fia omai o tagata e galulue i le taulaga.
O lea ua faalautele i tua sone o le taulaga faatau o Hamilton e tatau ona totogi ai le $6 e paka ai mo le aso atoa.
Fai mai le Council a Hamilton o se suiga ua faia ina ia faafeiloaia ai le tele o le manao mai le toatele o tagata o loo mananao e faaaogā auala nei e paka ai taavale i le aso atoa.
O auala foi ua fai mai le Council o loo i totonu o le sone lenei o loo iai faailoilo, ma o lea foi ua iai tagata faigaluega a le Council e aoaoina tagata i le suiga.
Mai le Hamilton Central Business Association, o lea e lē o faigofie le toe taumafai e unai tagata faigaluega e omai i totonu o ofisa, peitai o le faiga ua faia nei e le Council e foliga mai ai, e ono atili lē fia omai ai ma le toatele e faigaluega i totonu o fale faigaluega ae galulue mai le fale.
O le tau e $6 e mo le aso atoa, ma e na o aso o le vaiaso.
