E lē o toe tele ni avanoa o totoe i le fanuatanu i Gisborne ma ua vaavaai ai nei lana puleganuu poo le ā le isi mea a fai.
I Gisborne o le 92% o tino maliliu e lagomau i tuugamau faapea lefulefu o loo teu uma lea i le fanuatanu i Taruheru, lea pe ā ma le lua sauniga o maliu e faia ai i le vaiaso.
Peitai i le vaai mamao a le puleganuu poo le isi 10 tausaga ua leai se avanoa.
Na fono ai le puleganuu i le aso ananafi ma vaavaai poo le ā le isi sitepu a savalia, muamua o le toe faalautele o le fanua o loo faaaogāina nei poo le saili o se isi nofoaga fou.
E eseese uma lava finagalo na faaalia ananafi e pei ona vaavaai ai i tino maliliu o eeo susunu peitai o le toatele o tagata o loo nonofo i Gisborne o tagata Maoli, ma o le susunu e lē o se faiga e fai e le toatele o aiga Maoli.
O nisi foi o nofoaga na talanoaina, e iai fanua ae lolovaia gofie i taimi o timuga.
E uma le fonotaga ananafi o loo taoto le mataupu mo suesuega atili a o lei faia se faaiuga mautu a le puleganuu.
Puna o Faamatalaga: Gisborne cemetery nears capacity — city ponders where to next (1news.co.nz)
