E silia ma le 1,700 faailo tau polokiki sa faapipii i luga o poumoli i Sini e lei aveesea lava talu ona mae’a le palota a le Setete ma ua faailoa ai nei i sui tauva e ana ia faailo e solitulafono lea gaioiga.
O le sooupu o le Ausgrid Emma Shanks ua ia faamatala o le taimi nei la e faasala le sui tauva i le $150 e totogi pe afai e lei aveesea lava a latou faailo mai poumoli.
Fai mai Shanks ua lagona lo latou le fiafia ona o le toatele o sui tauva na tauva nei i le palota e le popole i le solia o le tulafono ma ua faailoa foi o isi sui tauva ua uma ona tuuina iai a latou sala.
Fai mai le Ausgrid e le faigofie le latou galuega o le a aveese mai o ia faalauiloa mai poumoli aemaise o le eletise o loo aofia ai ae e tele foi isi nofoaga sa tatau ona ave faailo e faapipii ai ae taatia pea poumoli latou o loo sapalai atu ai le eletise i maota ma laoa o aiga.
