Ua amata suesuega a le suetusi sili faasaga i mea sese na tutupu i taimi na faamaonia ai le faitauga o le palota tele a Niu Sila.
E tolu fale palota na sese ona faamaumau palota a pati na maua, 15 na sese ona faamaumau palota mo sui tauva, tasi le itumalo na sese ona faamaumau ana palota faapitoa na maua, tasi le itumalo e lei faitauina palota sa i totonu o le pusa ina ua faia le faitauga aloaia faapea ai ma le lima falepalota o lea lava na sa’o ona faitau palota ae sese le aso na faamaumau ai.
O le iloiloga ua faasolo nei o le a vaavaai ai pe aisea na ala ai ona tutupu ae o ā foi itu e moomia le faaleleia.
E tatau ona faamae’aina suesuega ua faia nei i le masina o Aperila o le tausaga fou.
