O le vaiaso nei ua tele ina aloaia ai le sā o loo faasā ai taavale i luga o le tele o matafaga i Northland.

O se tasi lea o tulafono na sainia e le minisita o Faasao i le masina o Oketopa ma ua mae’a ioe faatasi iai le Northland Regional Council.

O fuafuaga nei o loo sau ai ma le faafanua o sone e lē mafai ona alu ai se taavale, ma o soo se avetaavale e lē usitaia e faasala tupe i le oo atu i le $500.

Ae i lalo o le Regional Plan, o loo sau ai foi e iai lava le faatagana faapitoa e faataga ai le taavale pe afai o se faalavelave faafuasei poo nisi lava foi o faatagana faaletulafono e moomia ai auaunaga faapitoa.