Ua valoia le alu i luga o le tau o le suāuu i soo se vaega o Niu Sila a o faatetele ai pea vesiga i le itulagi i Matu, faapea ai ma le vaivai o le tālā Niu Sila.
O le penisini 91 o lea e $2.68 lita; 95 e $2.86, 98 e $3.04 i le taimi nei, faapea ai ma le tiso e $1.95 i le lita.
A faatusa i le 4 vaiaso ua tuana’i, o lea o loo alu i luga ma ua fai mai ai ma le sui o le AA, ua tatau i tagata Kiwi ona faasauni i le alu i luga o le tau o le suāuu, lea e lata i le 10 i le 20 sene e sii ai i le lita.
O aafiaga i le tau o le suāuu e mafua mai i sā ua faia i le va o Amerika faapea Lusia e pei ona iai i le Aso Faraile talu ai, faapea ai ma le vaivai o le tālā Niu Sila.
Puna o Faamatalaga: Petrol prices set to rise as foreign sanctions, weak NZ dollar bite – NZ Herald
