O lea ua aloaia le suiga ua tuu mai ai i lalo le saoasaoa e feoa’i ai taavale i luga o le auala ua toatele tagata manunu’a ona o faalavelave tau taavale.

E 50km i le itula lea ua tuu mai iai le saoasaoa e o ai taavale i luga o le SH8 i Mackenzie Basin mo le taimi o loo totoe o le taumālūlū o lenei tausaga.

O lea foi ua uma ona faapipii faailoilo i lea vaega o le highway e iloa ai e avetaavale le suiga i le saoasaoa e tatau ona o ai, peitai mai le NZTA e lagona le faanoanoa ona o lea e foliga mai e lē o usitaia e avetaavale.

Ua mae’a fesoota’i ai foi leoleo i le lē usiusitai o avetaavale ma ua faatalosaga la latou fesoasoani.

O le auala ua tuu mai ai i lalo le saoasaoa e feoa’i ai taavale o lea na manunu’a ai le to’a 24 tagata ona o faalavelave tau taavale i lalo mai o le tasi le vaiaso.

Puna o Faamatalaga: State Highway 8: New 50km/h limit in Mackenzie Basin after serious crashes – NZ Herald