O tagata ia na faamalosia le nonofo i faletalimalo mo ni vaiaso i le taimi sa aafia ai le atunuu i le Koviti-19, o loo tulituli pea e le malo a itiiti mai e 70 miliona tālā mai ia i latou ia i pili na iai i faletalimalo a o nonofo ai, o se faamatalaga lea mai setete ma teritori o Ausetalia.
O le faanofoesea o tagata i faletalimalo na amata i le masina o Mati 2020 lea na manaomia ai soo se tagata na malaga mai i le atnuu ina ia faanofoesea i se faletalimalo mo le lua vaiaso.
O lenei faiga sa faatino ma faatonutonu e setete ma teritori atoa ai ma le fesoasoani a le faigamalo a le Feterale.
Na amata ona faia totogi mo nofoaga ia i le masina o Iulai 2020 ina ua teena e le faigamalo a le Feterale le totogiina o ia pili ma i le mae’a o le fā tausaga o loo feagai pea nisi setete ma teritori ma le tau aoina main o ia tupe na faagaioi ai lea system.
Fai mai le lipoti o nisi setete ma teritori ua agai i totogi o tagata ia o loo nofo aitalafu e aumai ai totogi ia a o isi ua faaaogā le ‘au ao aitalafu poo debt collectors e tau aoao mai ai le seleni o loo i tua.
