E fitu taiala ua faailoa e le Fofoga Fetalai susuga Papalii Li’o Oloipola Ta’eu Masipa’u, o le a lima taitaiina ai suesuega a le Komiti o Tulaga Aloaia ma amio Taualoa a le Palemene i le suesueina o le faitioga mai le sui faipule o Gagaemauga Numera tasi le afioga i le Sui Palemia afioga Tuala Tevaga Iosefo Ponifasio, faasaga i le sui faipule o Lepa le susuga Tuilaepa L Sailele Malielegaoi, ma le tofa Lealailepule Rimoni Aiafi o le sui faipule o Faleata 3.

O ia taiala o le a silasila ai le komiti po ua solia tulaga aloaia o le fono aoao faitulafono, po ua aafia le solia o uiga le migao faasaga i le Palemene, pe ua aafia ai le tulafono o pule ma tulaga aloaia o le tausaga 1960, silasila le komiti i aafiaga o se sui usufono ua faamaonia ua solia tulaga aloaia ma amio taualoa, ma uiga le migao faasaga i le Palemene, ma silasila foi i se amioga poo ni amioga e le tatau ona faia e se sui usufono o le Palemene.

O le taimi mulimuli na faia ai se suesuega i se sui faipule a le Komiti o Tulaga Aloaia ma amio Taualoa a le Palemene o le tausaga e 2020.