O loo vaavaai le NZTA e faia se app e fesoasoani i avetaavale e lē gata mo faamaumauga o le taavale ae o le a mafai ai foi ona teu ai ma le laisene avetaavale.
O ni fuafuaga o lona uiga o le a mafai ai ona teu le laisene avetaavale i totonu o telefoni, ma e lē faamalosia.
Mai sooupu a le pulega, e lē faapea a mea o le a suitulaga ai i le laisene avetaavale o loo lomia i luga o le card i le taimi nei, o lea lava o le a mafai mo tagata e lē mananao i laisene digital.
E fua i luga o suiga o le tulafono, poo isi tausaga o i luma e amata aloaia ai.
I luga lava o le app lenei, o le a mafai ai foi ona teu ai lesitala o taavale, road user charges faapea ma tolls ma ua faatusatusa e tai tutusa ma le faiga ua faia e faletupe e teu uma ai debit cards i totonu o telefoni.
O le ogatotonu o le tausaga fou o loo faamoemoe e faalauiloa ai lenei app.
