E 10 miliona isi fesoasoani faaopoopo a Ausetalia o le a toe faamatuu atu mo Gaza i le vevesi o loo aafia ai.
O lea fesoasoani o le a agai sa’o i le World Food Program lea e fesoasoani i tagata i Gaza ua lipotia mai ua iai lapataiga o se oge.
O le minisita mo talavou o Dr Anne Aly na ia faia le foaga lea i le asō i se fonotaga faavaomalo o loo faatalanoa ai le vevesi lea ma fai mai le minisita e tatau ona faataga e Isaraelu le aveina atu o ia fesoasoani e pei ona poloaiina e le International Court of Justice.
Fai mai le minisita e lē tatau ona faaauau pea ona mafatia tagata o Palesitina.
Talu mai le osofaiga a le Hamas i luga o Isaraelu i le 7 o Oketopa talu ai na maliliu ai tagata Isaraelu e 1,200 ua tuuina atu e Ausetalia le $72.5 miliona o fesoasoani mo Gaza.
O faamaumauga mai le soifua maloloina a Palesitina ua ta’ua ai ua silia ma le 36 afe Palesitina ua maliliu.
Puna o Faamatalaga: https://www.9news.com.au/national/israel-hamas-war-gaza-conflict-australia-to-send-10-million-dollars-aid/43907d89-d19d-47d1-9fa3-c4a0c95765ed
