Ua iai le faamaoniga i le asō o le a faia ni fiafia mo le toe taliu mai o le autaalo a Ausetalia mai le Olimipeka ma o le a faataunuuina i Sini ma Melepone.
Fai mai le Premier o NSW, Chris Minns e moni o le a faia se sauniga faapitoa mo le autaalo i Sini ma o le a faia i Tumbalong Park.
Ua faapea foi ona faamaonia ane e le Pulenuu o Melepone o Nick Reece i le latou fonotaga i le po anapo o le a faia foi se sauniga faapea i Melepone.
Mo Sini ua faailoa e le Premier o le a faia le sauniga i le aoauli o le aso 13 o Setema ma o loo galulue faatasi ma le Australian Olympic Committee ma le faigamalo e tuufaatasi lenei faamoemoe.
E lē o manino mai mo le taimi nei le taimi ma le aso e faataunuu ai le sauniga i Melepone.
Puna o Faamatalaga: https://www.9news.com.au/national/paris-2024-welcome-home-parties-for-olympians-confirmed/a18cad72-346f-4a8b-8a80-8d540d840d3f
