O le tamaitai kapeteni o le Silver Ferns, Ameliaranne Ekenasio lea o loo taitaia le valaau mo ni suiga tetele ia faia i le taamilosaga faalotoifale a Niu Sila ma ia ta’ua ai e pau le tulaga e faalelei ai pe afai e taaalo ma ‘au aupito lelei.
O le faaiuga o le vaiaso nei e amata ai le ANZ Premiership lea na agai ese mai le Trans Tasman competition i le 2017 ae ua manatu nisi o le lē lava o le tulaga i taaloga faavaomalo ua iai nei sona aafiaga tele i le tulaga o le taaalo faavaomao a Niu Sila i lea faagatama.
Fai mai Ekenasio i le lipoti lea le Newshub o loo iai lava le gap ma e manaomia ona fai iai se galuega.
O le finagalo o le tamaitai taalo e tatauona taaalo au faalotoifale a Niu Sila ma au foi faalotoifale a isi atunuu i le taimi lea o le taamilosaga.
O le Aso Toonai e amata ai le taamilosaga tele lea a Niu Sila e amata i le fetauiga a le Bay of Plenty Magic ma le Northern Mystics i Hamilton.
Puna o Faamatalaga: https://www.newshub.co.nz/home/sport/2024/04/netball-silver-ferns-captain-ameliaranne-ekanasio-calls-for-change-as-new-anz-premiership-season-approaches.html
