O loo teena e le alii taalo o le Manu Samoa Johnny Vaili tuuaiga o lona sauaina o se tamaitai i le amataga o le masina i le Aso 10 o Oketopa 2021.
O loo masalomia o le po na tulai mai ai le faalavelave i le maea ai o se inuga a Johnny ma lana uo tamaitai na faaoolima ai loa lea alii i lea tamaitai, mulimuli ane ave se tagi a le tamaitai i le Ofisa o leoleo.
O le alii loia o loo tulai mo Johnny Vaili le susuga Pose Tima na tuu atu atu le tusi mai le tamaitai na aafia e faamatala ai o ia lava e tuuaia.
Peitai o le isi mataupu na molia ai Johnny i le faaoolima lea i se alii na la inu faatasi faaaoga ai se to’i.
Na tautino lea alii i luma o le faamasinoga sa aafia le ava malosi ma ua fautuaina e le Faamasino e tatau ona auai i le polokalame toe faaleleia ai le olaga mo i latou o loo molia atu i solitulafono aafia ai le ava malosi.
Mo lea mataupu o le a toe tulai Johnny i luma o le faamasinoga i le Aso 2 o Novema.
