O le a tapunia faitoto’a o le lālā a le Barfoot & Thompson i Panmure i Aukilani, a o faatupula’ia ai vesiga ma faiga faasolitulafono i lea vaega o le aai.
O lea ua silia ma le 65 tausaga talu ona iai i Panmure ma i lipoti a le Stuff o loo molimau ai le pule sili e lē o se faai’uga faigofie.
Ua maitauina e le aufaigaluega le faaauau pea o vesiga ma le tele o faiga faasolitulafono ma o se faai’uga ua faia mo le saogalemu e lē gata o le aufaigaluega ae o paaga o loo gasolo atu i Panmure.
O le tapunia ai o le lālā lenei i Panmure o le a faaauau ai i isi ona lālā o loo lata ane.
Ae mai ia David Letele, o sē e taulamua i le uunaia o aga fesootai lelei mo tagata lautele, na ia ta’ua, o le tapunia o lea pisinisi o se popolega tele lea i le faatupula’ia pea o faiga faasolitulafono ma ua ia faatalosagaina ai tagata lautele ia galulue faatasi.
Puna o Faamatalaga: ‘Increasing trend’ of crime sees Barfoot & Thompson branch close after 65 years | Stuff
