Ua silia ma le tausaga talu ona tapunia aloaia faigamalaga i le va Samoa ma atunuu eseese ona o puipuiga mai le faama’i oti o le Koviti 19.
Ma i se faatalatalanoaga a le Radio Samoa ma le Pulega o tagata tafafo maimoa mai fafo I Samoa na taua ai e le Ofisa Sili o le Pulega ia Faamatuainu Lenata’i Suifua, matua’i tēlē le aafiaga o tupe maua a Samoa mai turisi e asia le atunuu talu ona tapunia faigamalaga.
Taua e Faamatuainu o le a tagatagai I le ono tatala ai o faigamalaga a Samoa mo Niu Sila ma Amerika Samoa le faaiuga o le tausaga.
E iai lona talitonuga, a toe faaopopo se isi tausaga e tapunia ai faigamalaga I Samoa o le a faateteleina ona afaina tupe maua a le atunuu I le itu tau turisi.
O le fuafuaaga a le Pulega o lea ua faagasolo tui puipui a le a le atunuu puipui ai mai le koviti19 ma taua e Faamatuainu o se gaioiga o le a fesoasoani tele lea i le toe tatala ai o faigamalaga.
