O le aofai o tagata talavou i Ausetalia o loo agai mai iai faiga taufaasese ma taufaavalea i luga o upega tafailagi, ua siitia i le tausaga na tea nei ma o faamaumauga fou ua faailoa ai le faaopoopo pea o lea aofai.
Fai mai faamaumauga mai le faletupe o le Westpac o le aofai o faiga taufaavalea ua aafia ai i latou e tai 18 tausaga ma lalo ifo ua faatoluina pe a faatusa i le tausaga talu ai ae ua siitia foi mo i latou e i lalo o le tai 30 tausaga le matutua.
O faamaumauga ua iloa ai le faaaogaina e le au taufaavalea o ituaiga metotia eseese e maua ai faamatalaga e mafai ai ona o latou afea accounts a tagata ma faamatau foi nisi ina ia totogi ane ni tupe.
Fai mai faamaumauga a le westpac o le toatele o le au taufaavalea ua agai i luga o le social media e maua mai ai faamatalaga ua o latou faaaoga e faavalea ai le faitau afe o tagata e maua ai a latou tupe.
