Ua iai le popolega o Saina i le ofi atu o Niu Sila i le AUKUS, peitai e lē o amana’ia e le Palemia ia Christopher Luxon.
I talanoaga tuusa’o nei a Luxon faapea ai foi le peresetene o Saina, Xi Jinping a o iai i le fonotaga a le APEC i Peru i le faai’uga o le vaiaso, o le ulua’i taimi lenei ua feiloa’i faafesaga’i ai ta’ita’i o atunuu nei e lua, ma o le AUKUS lea lava e le’i mausalī iai le tali a Niu Sila, pe alu iai pe leai.
O le AUKUS lenei o loo iai i totonu Amerika, Ausetalia ma Peretania i maliega o puipuiga e aofia ai faiga faaniukilia, ma e lē auai ai Saina.
A o ese ai la le manatu o Saina i le faai’uga a Niu Sila ma le ofi atu i le AUKUS, ua saunoa Luxon poo le ā lava le faai’uga a Niu Sila e faia, e tutasi lava ma e lē lualuagia fua ona o tala a Saina.
O le asō e toe taliu mai ai i Niu Sila le Palemia o Niu Sila mai fonotaga a le APEC.
Puna o Faamatalaga: https://www.rnz.co.nz/news/political/533999/china-s-potential-response-to-nz-joining-aukus-not-a-consideration-luxon
