Ua oo atu i le to’alima tagata ua maliliu mai se faama’i pepesi e iai sona sootaga i timuga mamafa ma lōlōga i nofoaga o loo aafia.
Fai mai le 7News o se tamā matua mai Townsville ua atoa iai le to’alima o tagata ua maliliu mai le faama’i lea o le melioidosis ma ua faailoa e le Queensland Health o lea tamā matua ua maliu ae e iai isi e to’atolu o loo faailoa foi o loo aafia i le dengue virus lea i Townsville.
Fai mai o le isi to’afā na maliliu atu mai le itu i Matu o Cairns lea foi sa aafia i lōlōga ma timuga mamafa.
O lea faama’i e iai lona sootaga ma le tau susū ma e pepesi i le fepa’ia’i o tagata aafia aemaise o le suāvai e faaleagaina.
Fai mai e fai si ogaoga o lea faama’i e mafua mai i le siama mai le palapala ma o āuga e aofia ai le fiva, tale ma faigatā ona mānava, aafia le tino, skin infection.
O loo faia su’esu’ega ma ua fautuaina tagata ia fai totinilima seevae ma puipuia lelei lavalava pe afai ni galuega faamamā i le mae’a o timuga ma lōlōga.
Puna o Faamatalaga: https://7news.com.au/news/elderly-man-dies-from-melioidosis-in-townsville-following-record-rainfall-and-flooding–c-17796791
