E le I iloa e le soifua maloloina o loo faanofoesea tagata galulue I luga o vaalele I le ogatotonu o le taulaga pisi o Aukilani
O le vaiaso talu ai na salalau mai ai tala I le fesiligia o tagata faigaluega a le Ea Niu Sila o loo mafai ona o I fafo ma le faletalimalo mo faamalositino, ma o I faatoa logotala ai le soifua maloloina o loo faanofoesea tagata faigaluega a le kamupani faatoa foi mai Amerika I le taulaga
Tala a le Newshub, o lea e le I logoina e le Ea Niu Sila le matagaluega ua suia mai le faletalimalo a le Ramada agai I le Grand Windsor, ma o lea lava na iai le manatu o le soifua maloloina o loo I Manukau lava I le Ramada
E le I tautino le minisita o le Koviti Chris Hipkins, a mea o se lape, pau o lea ua faailoa o loo galulue nei le matagaluga ma le kamupani vaalele I fetuunaiga uma ia mautinoa ai o loo saogalemu tagata faigaluega O tagata faigaluega nei o loo faanofoesea I le na o le 48 itula ae le o le 14 aso, ma e le o toe mafai ona agai ese ma le faletalimalo mo faamalositino, peitai o lea ua faatonuina ia faia I totonu o le nofoaga o loo faanofoesea ai
