Ua aga’i ese mai vaega’au a Isaraelu mai le itu i Matu o Gaza Strip ma le faitau selau o tagata Palesitina ua o ane i taavale ma la’u ane a latou meatotino aga’i i Gaza i nofoaga ua matua’i faaleagaina.
O loo ogatasi le aga’i ese mai o vaega’au a Isaraelu ma le maliega na faia ma le Hamas ma ua 566 pagota Palesitina ua faasa’olotoina.
Na maua e le Hamas pagota e 251 ma fasiotia ai le 1200 o tagata Isaraelu.
A itiiti mai pe ā ma le 48 afe Palesitina ua fasiotia e Isaraelu.
Ua ta’ua i lipoti i le asō se faamatalaga a le Palemia o Isaraelu, Netanyahu ina ua toe foi i lona atunuu i le mae’a o ana fonotaga i Amerika, ua ia ta’ua ai e ese atu le finagalo faaalia o Trump i le mataupu lenei ma o se mea aupito sili foi mo Isaraelu.
O le finagalo o Trump i fesuia’iga e mana’omia ona faia i Gaza o loo to’atele tagata e tetee iai ae fai mai Netanyahu o loo faatalanoa le mataupu lea i le taimi nei i lana Kapeneta.
Puna o Faamatalaga: https://www.bbc.com/news/articles/c4g3yyv4egeo
