Mai Ausetalia o loo faaauau pea ona finau setete o Ausealia ile tau taofiofia o le pepesi o le faamai o le koviti 19 aemaise lava I le ituaiga variant fou ua pepesi nei o le Delta.
Faamauina mai I lipoti a le Stuff , cases e 16 mai Kuiniselani , o le toaiva o I latou ia o tamaiti aoga mai aoga eseese e fa atoa ai ma se faiaoga.
Fai mai le ofisa sili o le soifua maloloina I Kuiniselani Dr Jeanette Young o cases fou ia e iai sootaga ia I latou ua pesia muamua I le faamai ae e le o mailoa lava poo fea ton una amata pepesi mai ai.
Fai mai Young e le taumate o le a faaopoopo foi le aofai o cases I ni nai aso o lumanai ai ona sa iai I latou ua aafia sa iai pea I le komiuniti I lea taimi.
O soo se tasi I Niu Sila na toe foi talu ai nei mai Kuiniselani ua fautuaina ina ia faia se siaki ma ia mataitu nofoaga exposure sites o loo faailoa mai mai Kuiniselani pe sa agai iai. I Niu Sau Uelese I le aso ua faailoa mai e 199 cases fou ua faamauina, mai le aofai lea e 88 I latou e iai sootaga I e ua aafia muamua I le faamai.
Taua e le premier Berejiklian e manao ia oo atu I le aso 29 o Aokuso ua atoa le 50 pasene o tagata o le setete ua faia tuipuipui, o lona uiga e tusa ma le 6 miliona le aofai o tagata e tatau ona oo atu iai ua fai tuipuipui ona faatoa silasila lea ile faaitiitia o aiaiga o le vavao poo le tapu o loo feagai nei ma le setete.
I Vitoria e fa cases fou ua faamauina mai ai.
