Ua toe laga mai i luga e le faipule Wairarapa, Kieran McAnulty le fesili, poo fea miliona o le faamasinoga lea na faia faasaga i le falema’i tuai a Wairarapa.

O le mataupu lenei na oo i le faamasinoga ina ua su e le pulega faaitumalo a le soifua mālōlōina le puleganuu a Masterton i le $90 miliona, ma o le tausaga talu ai na maua ai le tali mai le faamasinoga, ina ia aga’i le puleganuu faapea le Health New Zealand e soalaupule i tua le la mataupu.

Na tali le minisita o le soifua mālōlōina, Simeon Brown ma fai mai o lea ua uma ona inivesi e tagata totogi lafoga le toe faaleleia o le fale e ala i le toe faaleleia o le falema’i mo le mautinoa e malosi i taimi e lūlū ai mafui’e.

Peitai e lē o malie le faipule ma fesilligia poo fea a latou tupe, o loo tumau lava foi lona talitonuga, o lea lava e maualalo le tulaga o loo iai le falema’i tuai i Wairarapa.

Puna o Faamatalaga: Hospital settlement: ‘Where has our money gone?’