E iai se faiga fou ua faata’ita’i nei e le supamaketi o le Woolworths poo le Woolies i Ausetalia.

O lea faiga fou e faaaogā ai faiga faatekonolosi o le a faata’ita’ia i le Woolies i Sini, o le a mafai ai e le tagata faatau ona scan a latou oloa e faaaogā ai trolleys.

O le scan and go carts ua faata’ita’i nei i le Woolies i Windsor, o le taimi lava e tuu ai le oloa i totonu o le kololi poo le trolley ona scan ai lava lea e le trolley.

Ua faia lea faiga e faasao ai le taimi o le au faatau i faatauga o aso ta’itasi.

Fai mai e toe totogi lava i le counter le faatau ae o le faamatalaga a le supamaketi afai ae faagasolo aloa’ia loa lea faiga o le a mafai ai loa lava e tagata faatau ona swipe a latou cards i trolleys ma totogi ai lava ma faatau.

Puna o Faamatalaga: https://www.9news.com.au/national/woolies-trials-new-scan-as-you-go-trolleys/4e7e5c2d-04e9-4997-8a0e-0bb4bba8948d