O galuega faatufugaga a tusiata o loo taumafai mai e faalauiloa o tatou siosiomaga, aganuu ma agatausili i fesuia’iga o le tau.
O faaaliga ata sa faia i le Matagaluega o Tina ma Tamaitai Aatina’e o Afio’aga ma Agafesoota’i o loo atagia mai ai ata na tusia e le Samoa Matalasi ma le fautuaga ia galulue faatasi e puipuia lona matagofie.
O le faamoemoe foi o le Manaia Women’s Market e pei ona auai ai e patipatia le maufetuuna’i, faiva o tamaoaiga ma tu ma aga faaleaganuu mai i le 42 sui auai mai atumotu o le Pasefika, o loo faasoa ai talaaga i le atinaeina o pisinisi mai i le leai o se mea.
Saunoa le tamaitai Minisita o le Matagaluega o Tina ma Tamaitai Atina’e o Afio’aga ma Agafesoota’i o Mulipola Anarosa Molioo, o ia atina’e o loo faamanatu mai ai le taua o le galulue faatasi, ina ua avea faatufugaga o tusiata e faatinoa galuega, ae o se avanoa ua ausia ai le maufetuuna’i.
Faaalia e Mulipola o fe’au o loo momoli mai e ia atina’e e tautalaaso galuega ma faatinoga.
O ia galuega o loo galulue faapaaga ai le Matagaluega o Tina ma Tamaitai, Atina’e o Afio’aga ma Agafesoota’i faatasi ma tamaitai e aofia ai sui auai o le polokalame Nofotane, i se galuega ua suia ai o latou tamali’iaga aemaise afioaga.
O le fautuaga a le tamaitai Minisita ia fai le faiva o le faalauiloa mo suiga lelei i afioaga, fale faigaluega ma soo se fesoota’iga.
“Ia patipatia ma le agaga faafetai faatufugaga o tusiata ma aufaipisinisi ua aofia nei, ta’imua i galuega lelei e tetee ai i suiga o le tau, ma ia faia filifiliga mo se soifuaga e gafataulimaina i aso ta’itasi.”
