Ua nofosauni le Medibank e faataitai le fā aso faigaluega lea ua o latou ta’ua o se taumafaiga ina ia faaleleia le soifua maloloina ma le soifua manuia o tagata i falefaigaluega.

O le kamupani a le Medibank ua o latou faailoa o le a faataitaia mo le ono masina le faiga lea mo ana tagata faigaluega e 250.

O lea faiga o le a mafai ai ona tumau pea le totogi o le tagata faigaluega e ui ua faaitiitia ona itula faigaluega, talu mai le vaitau o le koviti ua tele fesuiaiga i le faatinoina o galuega ma iu ai ina faatupulaia le manaoga e faigaluega mai le fale. 

Ua iai la kamupani ua mae’a ona o latou faatinoina lea tulaga e fā aso e faigaluega ai ma ua maitauina foi le tulaga lelei o iuga o galuega ina ua faatino lea fuafuaga.