O saunoaga nei a le tamā ia Alamoni Langi, o ia o se tagata nofomau i Niu Sila ma o lana nofomau foi lea o loo faalagolago iai le faatalosagaina o pepa nofomau a lona faletua.
Tala a le 1News o Langi e po lana vaai, ma o le tausaga e 2017 na mafuta ai ma lona faletua lea e fai mai le Immigration a Niu Sila e le talitonu o se ulugalii i lalo o tulafono o loo aiaia ai mafutaga a ulugalii e tusa ma le maitau a le ofisa.
Ua ta’ua i lipoti le faanoanoa o le tamā ina ua fai mai le Immigration e le moni le la mafutaga, ma mai le loia o loo tu mo le ulugalii Tonga, e le fou faaiuga nei a le Immigration ma i lona talitonuga e le o iai se malamalamaga i le va o le Immigration a Niu Sila ma tagata Pasefika.
E le o faigofie i le loia faapea le ulugalii Tonga, ae mai le sui o le Immigration, e talitonu o lea lava na sa’o lana faaiuga na fai o le teena o le visa nofomau o le tina.
