E to’alua tagata o le a tutula’i i luma o le faamasinoga i le asō ina ua maua e leoleo le silia ma le 6 tone o fuālaau faasāina na maua i Sini.
O le su’esu’ega na faatino e leoleo i le amataga o le vaiaso i Croydon, na maua ai se afifi na lafo ane iai mai se nofoaga teuoloa i Homebush.
O loo feta’ua’ina o lea afifi e aofia ai le tusa ma le lima lita o le ituaiga fuālaau lea e iloa tele o le bute.
Ua faailoa e leoleo o le ituaiga fuālaau lea sa iai ona sootaga i le faia o ni osofa’iga e faatino ai ni uiga matagā, aemaise o le overdose pe onā i ia ituaiga fuālaau.
Sa faia le isi su’esu’ega a leoleo i se nofoaga i Silverwater ma maua iai le 225 kilo o le fuālaau lava lea e pei ona faailoa e le 9News.
O isi su’esu’ega na faia ananafi na maua ai e leoleo le 23 lita o le fuālaau lava lea.
O isi uma su’esu’ega na faatino na maua ai ma se vaegatupe e $28 afe ma pu’eina mai ai loa se tamaitai e 28 tausaga.
O le isi alii na molia e 27 tausaga ua taofia faatasi ai i le vaaiga a leoleo ma e tutula’i i le asō i le faamasinoga e tali i o la moliaga.
Puna o Faamatalaga: https://www.9news.com.au/national/man-woman-charged-after-butanediol-seized-sydney/50618ff7-f25a-46c4-a18c-a36390fb5191
