E iai se faiga fou ua sauni lona faaaogāina i Brisbane i le auaunaga tau femalagaa’iga ma ua ta’ua o le a faataga ai pasese e tap a latou credit, debit cards ma masini e ta’ua o smart devices faapea foi ma go cards e totogi ai pasese i ia auaunaga.
O le faaaogāina o lea faiga fou i luga o pasi o le a faasoo ai le aga’i i Saute i Sasae ma auaunaga tau femalagaa’iga i totonu o Kuiniselani.
Fai mai le faigamalo a lea setete o lea faiga fou ua faaalu ai le $433.75 miliona.
O le a amata faaaogā i pasi ma le Metro a le City Council a Brisbane amata i le vaiaso fou.
Ua mae’a ona avanoa le faiga fou lea i le Gold Coast talu mai le 2020 aemaise i luga o trains lea na amata faaaogā ai i le 2022.
Na faaaogāina foi i luga o vaa i le Brisbane River ia Aperila o le tausaga na te’a nei.
Puna o Faamatalaga: https://www.abc.net.au/news/2025-03-18/smart-ticketing-brisbane-city-council-buses-translink-go-card/105064524
