E 230 le aofai o tagata na mafai ona faia a latou palota muamua mo itumalo e tolu ua toe fai ai a latou faigāpalota laiti, o Siumu, Faleata 4 ma le Vaa o Fonoti.
Ua faamanino mai e le Komesina o Faigāpalota o Siumu e tusa ma le 74 tagata na lesitala i le palota muamua (pre-polling) ae na o le 68 i latou na faia palota.
O le itumalo o le Vaa o Fonoti e 26 i latou na lesitala ae na o le 16 i latou na faia palota.
O le itumalo o Faleata 4 e 152 na lesitala ae 146 i latou na faia palota.
Ua faailoa e le Komesina o le 22 na lesitala ae lei palota ananafi o loo maua le avanoa e palota ai i le Aso Faraile lea o le a faataunuuina ai le faigāpalota laitiiti.
