Ua feiloai le matagaluega o aoga ma le laulau a fono a le kolisi a Ashburton a o suesue ai sauaga poo le bully.

O se feiloaiga ua faia ai i le mae’a o suesuega na faia ma aliae ai tuuaiga o sauaga na faia i totonu o le valu tausaga.

Na faatalosaga ai ma aiga e tatau ona iloilo fanau aoga o aafia lea na oo ai lava i le taumafai o nisi e pule i o latou soifua.

I se lipoti mai le kolisi i tala a le TV1 o lenei iloiloga o le a amata aloaia i le vaiaso fou pe a amata le kuata faaiu o lenei tausaga.

O se suesuega o loo taulai i taiala ma auala o loo faatalanoa ai faiga saua nei i totonu o le kolisi, ae pe faapefea foi ona malu ai fanau ma o loo faaauau faamoemoe e faauma ae e lei uma le tausaga.

A o galulue ai la le kolisi ma le matagaluega ua valaau mai foi i soo se matua o loo popole ona o lenei tala ua sau e faafesootai atu le aoga.