Ua amata nei uluai faigamalaga i le vaalele mai Sini e agai atu i Western Australia i le itu i Saute i Sisifo, ma ua toe feiloai ai aiga ua loa o valavala ae lē gata i lea o le avanoa e asia ai e tulisi lea faaitu o le konetineta o Ausetalia.
O le auaunaga fou lea a le Jetstar ua faailoa i le vaiaso nei ma ua fuafua o ia faigamalaga o le a aogā mo i latou e iai aiga i lea faaitu aemaise o le au tafafao.
O manatu faaalia o tagata i upega tafailagi ua ta’ua ai o loo amata saili ma vaavaai avanoa i faigamalaga ia ae ua faailoa foi e i latou mai lea faaitu o Ausetalia ua silasila nei pulega o malaevaalele i le faia o galuega toe faaleleia faaopoopo auā lea faamoemoe ma e lē taumate o le isi faaitu lea o Ausetalia o le a agai atu iai le tele o maimoaga ma tafaoga.
