Fai mai lipoti ile aso o loo talitalia nisi cases fou o le Omicron mai le aufaigaluega a le Ea Niu Sila ma o nisi ua faalogoina auga o le faamai e pei ona faamaonia mai e le ofisa sili o le kamupania vaalele, Greg Foran.

O le amataga o lenei vaiaso ua faailoa mai ai e le kamupani vaalele ua taofia mo le taimi nei le toe faafaigaluegaina o le aufaigaluega e toa 15, o close contacts o se tagata faigaluega ua faamaonia le aafia ile koviti 19. I se pepa o faamatalaga mai le kamupani ua faailoa ai o se vaega taua lenei o faatulagana ua faataatia mai ele matagaluega o le soifua maloloina mo le aufaigaluega lea e aofia ai ma le faia o lavalava faapitoa PPE mo puipuiga mai le faamai atoa ai ma le faaauau o le faia o siaki.

Faaailoa foi e le ofisa sili ise faatalanoaga ma le Morning Report ua ia iloa o loo ua iai le aufaigaluega ua iai auga o le faamai ma e le taumate o le a iai nisi cases faaopoopo. Fai mai e iai nisi o pailate o loo aofia ai ia I latou, o aircrew  ua taofia le toe faigaluega I le taimi nei.

O le aufaigaluega a le ea niusila I luga o vaalele ma ilatou ile customer service ua maea ona faia uma tui puipui o le koviti19.